麥上日光 (已結業)

麦上日光，源自奥地利百年烘焙品牌，主打以自家培植的天然酵母，烘焙健康手工面包，而最出名的系流心芝士包。最近听同事讲，试左个五层流心芝士包超好食，今日经过湾仔，就买左个黎做Lunch。奥地利五层流心芝士包 (1/4个) $25 - 价钱唔算平，但拎上手有重量，望落芝士馅亦有份量，唔似一般空气包。第一口咬落去，浓浓芝士馅就涌出黎，面包十分十分松软，芝士系黎自澳洲及纽西兰的Cream Cheese，再系面包上面铺上奶粉，所以芝士味十分浓郁。口腔内充斥住满满的邪恶香浓芝士，但却无好腻嘅感觉，实在系有惊喜。不知不觉食晒成个，十分满足。听同事讲仲有两种食法。一种是加热黎食，面包会软身，芝士会熔化；另一种是放入雪柜，雪冻先吃，会好似食Cheese Cake 咁。据说每日限量供应，如果下次有机会，可以再试其他食法。