Day and Nite by Master Kama (已結業)

旺角dinner食咩好？今次就同朋友黎到呢间上楼的Day and Nite by Master Kama叹一叹先～睇完个menu，我最想食就系呢个流心芝士龙虾三文治，就系听个名都够晒吸引！哗～啲芝士多到流晒出来，而且是热辣辣的，一拎起份三文治，啲芝士即刻做到拉丝的效果，见到都觉得好邪恶啊～但为左食一于少理，几邪恶都ok呀！厚多士烘得刚刚好，边香脆内松软，中间夹住大量香喷喷的芝士及爽口弹牙的龙虾肉，每一口都好滋味。大爱芝士的朋友要试下啊！而且还配香口好食的炸薯条同新鲜的沙律！另外还叫了Master share set，可以同时食到几款不同的小食，分别有香脆炸鸡翼、三重芝士鸡肉烤饼、章鱼烧、芝士条、鸡软骨饺子同炸薯条！我觉得当中三重芝士鸡肉烤饼最好食，烤饼香口又够薄，芝士又多加上酸酸的蕃茄粒，感觉没咁油腻，而且味道好match！另外叫了两杯超梦幻的Dreamer Smoothies，分别系好似棉花糖色的Unicorn Dream，味道酸酸甜甜。另外系粉绿色的Cookie & Mint，香甜的朱古力曲奇味中带有清新的薄荷感觉，两者好夹，食落没咁甜腻腻！今餐食得好开心，下次再黎食下其他菜！