民華餐廳

营业中

休息中

一间高质素嘅茶餐厅可以喺太子同旺角交界通菜街中间揾得到，我真系觉得呢间茶餐厅超好食。一嚟到就试左个常餐同埋食咗佢嘅西多士，常餐方面可以有唔同嘅选择分ABC，首先我叫咗个鲜茄牛肉通粉，唔一定拣通粉可以拣其他面底，我之后可以拣煎双蛋或者煎肠仔仲有火腿另外仲有烘多士同埋牛油方包可以选择。冇几耐个常餐就上咗，真系超好食！个通粉热辣辣，而且个汤底系有啲好浓郁嘅蕃茄喺里面，同埋碗通粉好多！成碗汤面咁大，真系食一碗都够晒饱，另外个牛油烘底多士烘到黄金色，软绵绵，加埋煎蛋嘅蛋汁，好滑好香甜。西多士切成九宫格，可以拣炼奶或者糖浆，我拣咗糖酱，糖酱送来嘅样子好似一甖花生油咁大支，食落去松软有质感。嘢饮方面呢度仲可以添加鲜奶！都只系跟餐加$4，冻冰冰嘅鲜奶，配上刚刚热辣辣嘅常餐，令人好非常满足。