哥老官重慶美蛙魚頭 (已結業)

朋友想食好耐嘅哥老官终于嚟香港开舖，耳仔发炎咗成个星期终于好返，决定舍命陪君子，同佢嚟朝圣一下！餐厅主打四川麻辣火锅，最出名嘅系牛蛙同鱼头，食物选择亦唔少。一步入餐厅已经俾佢嘅酱料枱吸引住，顶部系十二生肖嘅铜像，非常吸睛，酱料选择极多，系我哋食过嘅火锅店中最多嘅一间。麻辣凤爪就食得多，第一次食乌鸡凤爪，唔知系咪心理作用，感觉比平时食到嘅凤爪口感结实弹牙，最出色嘅系佢嘅调味，香口开胃。汤底方面系子母锅，外面系经典嘅老哥麻辣汤底，我哋拣咗标准辣度，虽然望落红当当，但其实冇想像中咁辣；而中间嘅系罗宋汤，味道偏酸，有少少解辣嘅效果，而且都适合配搭蔬菜。今晚嘅主角之一当然唔少得鱼头，鲢鱼头尺寸颇大，配上麻辣汤底非常惹味，而且越食越辣，非常过瘾，钟意吮鱼头嘅绝对唔能够错过。牛蛙就食得多，但第一次食原只上嘅牛蛙，一上菜嘅时候有啲吓亲，但望多两望都几搞笑，成个大只佬咁。朋友唔讲都唔知，原来牛蛙同田鸡系唔同，牛蛙比田鸡体型更大，啖啖肉，肉质弹牙，但肉味较淡，所以好适合配搭麻辣锅。鹅肠非常干净，一丁点油脂都冇，口感爽脆，配搭麻辣汤底非常过瘾。毛肚大大片，冇经过漂白，令人食得安心，放入麻辣汤底渌十秒八秒就食