芝士冰室 (已結業)

之前见到报道介绍深水埗开咗间以芝士为主题嘅冰室 作为一个芝士爱好者 点会唔去一探究竟😎一踏入芝士冰室就比墙上大幅嘅漫画抢咗视线 色彩鲜艳嘅壁画系由本地漫画师操刀🎨餐牌上有大量芝士食品选择 而且用咗5种芝士去调制▪️特浓芝士烟肉焗通心粉一上枱已经闻到香喷喷 呢度嘅芝士汁调到呈橙色 好香浓👍🏻足够捞匀成个粉有余 除咗芝士汁 面头仲有一层焗芝士 轻易做到拉丝效果🧀烟肉份量亦都算多 每一啖都充满醎香 好滋味▫️流心芝士鸡扒芝士捞讲到芝士 又点少得捞公仔面呢🍜净系芝士汁都有五款选择 招牌/咸蛋/南洋/蒜香/麻辣 够晒创意❤️不过第一次嚟食 一定系试咗招牌先 浓郁嘅芝士汁 就算食得慢都冇变稠嘅迹象 鸡扒炸得几脆 芝士酿喺入面 流心效果都做得唔错 口感同味道嘅层次都再提升左▪️香脆炸鸡翼腌得好够味 炸粉好薄 每咬落去都有咔咔声 估唔到咁脆🐔▫️芝士奶盖红豆冰▪️爆柠粒粒柠檬茶呢度都有唔少特色饮品 而且劲大杯🥤芝士奶盖咸香味十足 红豆够甜 而爆柠粒粒柠檬茶系用台湾香水柠檬 比一般柠檬更fresh 预先已经切粒 唔洗自己笃🍋