新記冰室 (已結業)

邪恶芝士捞丁！！😋讲起芝士捞丁，唔可以唔提新记，话时话都有7-8年无食新记。以前尖沙咀个边装修比较简陋，而家新舖位既新记冰室，灯光好光猛，装修同风格都一样系怀旧既感觉，新舖位都好座啲😝下午一点左右到，唔洗等位，叫咗个芝士捞面餐（双拼自选𩠌）芝士鸡扒蛋公仔面/芝士炸鱼鸭胸公仔面 $52芝士汁份量多，多到连啲面同块鸡都见唔到！芝士唔算非常杰身，好香浓，鸡扒大大件，好juicy, 加埋太阳蛋感觉一流！！🤪🤪味道依旧，间唔中食下过瘾下都唔错，又系黄店，都要支持下💛下次再食，应该会叫返佢个招牌猪颈肉捞丁，同埋想试吓佢啲小食，见到隔离枱叫左炸薯条🍟同埋西多士，全部个样都好掂咁呀！不过今次太饱食唔落😝😝