Sodam Chicken (已結業)

屋企无晚饭食，朋友之前食过觉得唔错，就O黎试下。想订位只有6PM 或 8PM，6PM 我又O黎唔切，8PM 又太夜，只好试下WALKIN 。我地O黎到大约6:40PM, 虽然唔驶等位，但入到去都接近坐满啦﹗需要90分钟交枱。我地点左太阳芝士炸鸡，柚子梳打两杯。先上柚子梳打，基本上就系柚子蜜加上汽水，好饮﹗太阳芝士炸鸡，好大O既一盘，两个女仔食基本上唔会食得晒﹗中间农夫包入面D 芝士焗到微焦，个包都相当柔软唔会太实。包盖好脆﹗炸鸡都好好味，但入面有骨，食O既时候要注意。有时会有少少碎骨。两个女仔真系食唔晒﹗最后净返少少包，但又已经食唔落，于是决定带走佢，第二日用焗炉焗返热佢当早餐食﹗焗返热都好好食，有芝士盖住唔会干曾曾。而个包仍然好柔软﹗呼吁大家食净要带走佢(可以同店员加钱要个盒)，唔好做大晒鬼﹗走果阵应该未到8点，但外面已经好多人等位。