Angry Oppa Restaurant & Bar (已結業)

果日约左家姐系尖沙咀食饭，所以就揾左呢间评价唔错既餐厅。我地八点钟左右到，唔洗等位就入得去。入到去餐厅播住韩文歌，气氛轻松。我地点左一个大酱五花腩熔岩比萨同埋海鲜汤锅。因为之前去韩国食左鱼糕，一直想再食，所以就加多个鱼糕。海鲜汤都几清甜，锅里蔬菜菇菌为主，海鲜只有几个青口，蚬同埋鱿鱼碎。而鱼糕就比较有嚼劲。冬天食暖暖既锅还是不错。等左半个钟比萨终于到，热辣辣而且香喷喷的。饼底厚而且布满芝士。食落去芝士加大酱既味道几夹，外脆内软。但系五花腩只有薄薄的几片，有些可惜。