上村牧場 (已結業)

近排食咗好多火锅烧烤，食开上瘾，老公话公司抽奖赢了钱，今日又去咗呢度重点食萨摩牛烧烤嘅餐厅。选择了一个自慢烧肉10种盛合，总共有十款唔同的款式慢慢烧，啱哂老公心水。入座之后，我哋就系开始按餐厅教学自制腌肉酱料，先将芝麻磨成粉，再将苹果磨成蓉，以上再加入葱花姜蓉同酱汁，过程都几得意。总体而言，d牛肉油花好香，烧完之后d脂肪溶化，食落好有牛味。来自日本的萨摩牛，牛肉零舍嫩滑，油香丰富。食落真系唔同的，最喜欢萨摩牛腰脊芯，厚身、牛肉味香又多油花，正。一个价钱食匀唔同部位嘅牛肉，各有不同，口感性价比高。除咗主菜外，点多了2款烧物小食同寿司，价钱都超值，烧粟米粒同烧海鲜菇好香，分别配搭了牛油香草及牛油蒜蓉，几好味。鲑鱼腩寿司同帆立贝寿司都好新鲜。