人和月雞煲火鍋店 (已結業)

天气冻，最好就系打边炉今日试新野，尖沙咀人和月鸡煲去到门口，店员已经热情介绍，先食鸡煲，再换煲打边炉呢度半自助模式，出边有熟食同边炉料，饮品都系自助，个人试左佢地自家制既柠茶，好重柠味，唔太甜好好饮，仲有我最爱既芋圆同仙草冻！上鸡煲啦终于酥皮芝士鸡煲，金黄色大大块酥皮，好靓。楼面姐姐仲好好服务帮我地捞匀晒拉晒丝，视觉效果满分无估到西式既芝士同酥皮，同中式既鸡煲汁花椒八角系咁夹，啲酥皮痴晒啲鸡煲汁同芝士，味觉冲击一流鸡亦都好多，同好滑，一啲都无overcook。极黑和牛套餐B，主角澳洲M4和牛拼盘，作为一个牛魔王，睇肉既纹路就知道唔简单渌10秒，牛脂入口即化，软淋肉质，牛味极浓！但我最钟意系个牛小排，比较厚切，入口淋滑弹牙，有少少咬口，牛味亦都极重。其实仲有好多边炉料，但食完个鸡煲同啲肉已经食唔落，为免浪费食物，无一一尝试。下次叫多啲人可以试晒呢度啲野 。