豐鍋雞煲 (荔枝角道) (已結業)

今日经过深水埗唔知食咩好，咁岩又已经差唔多半年冇食过鸡煲，误打误撞之下就嚟到丰锅鸡煲。两个女仔比较细食，所以只带咗半份鸡煲，另外加咗份小食同埋嗌咗几款配料打边炉。落单之后，店员好快就送上鸡煲，店员会喺现场炒鸡件，炒完就食得。鸡煲嘅酱汁质地浓厚，牢牢咁依附系每一件鸡件上，食落都几浓郁。因为叫咗BB辣嘅关系，辣味唔算重，不过越煮就会越辣，越食越惹味。鸡件嘅肉质都几香滑，用料新鲜。值得一赞嘅仲有鱼皮，每一块鱼皮都大大件，脆卜卜得黎味道仲好香，同鸡煲好夹。鲜虾木耳云吞份量饱满，系店舖自家制，不错。另外再点左牛柳粒同油麦菜，食到超级饱。玫瑰梳打唔会过甜，玫瑰味唔会太「假」，而水蜜桃梳打都好香浓水蜜桃味。