スーパー丼 (駱克道) (已結業)

餐牌上丼饭选择非常多，对于选择困难症既我黎讲真系好难抉择！本身想试芝士丼，但最后拣左个同样邪恶既…① 鹅肝和牛丼 $138每个丼饭跟一碗面豉汤同前菜（中华沙律），正正常常，不过都唔系重点，丼饭个食材先系麻。鹅肝似炸过多过煎香，食落油脂几丰富但不觉腻。和牛叫左三成熟，粉嫩不韧，啖啖肉好满足。另外加只日本生鸡蛋 $8，捞饭一流！② 三色海鲜丼 $108朋友点的刺身丼望落健康得多，七片鱼生摆盘几靓，朋友话刺身算新鲜不过无乜特别。