Burgerman (埃華街)

营业中

休息中

朋友平时最钟意食肉，今日就黎到大角咀既Burgerman满足佢呢只食肉兽既愿望👀呢到有好多款式既汉堡包可以选择，午餐时段仲有四款包可以跟餐，配埋薯条/田园沙律同饮品。我哋分别拣咗鹅肝和牛汉堡同水牛城鸡肉汉堡开心 share食，汉堡包嘅份量对于我地呢两个女仔黎讲真系唔可以睇少，食到劲饱呀。我个人极力推荐鹅肝和牛汉堡，虽然价钱比较高，但胜在食材优质。面包口感微脆，鹅肝香浓惹味，和牛经烹煮过后仍然保持到大量肉汁，加埋番茄同蔬菜减腻，成个组合都几出色。水牛城鸡肉汉堡口味好特别，入面有大量酸酸辣辣既酱汁，食落好醒胃，鸡肉份量都几足。不过辣度对我黎讲都几高👅汉堡包系即叫即制，到手时仲系热辣辣，唔错。