影片
更多
2017-05-30
134 浏览
聽到一糖呢個名有一段時間,呢日就嚟試試.佢哋係晌天水圍西鐵站同輕鐵站附近,沿路依住印咗店名嘅旗仔行大約幾分鐘就到停車場.門面裝飾同牆上嘅彩繪好日本風.佢哋係間甜品店,除咗多款口味心太軟同窩夫之外,仲有紫薯系列嘅甜品等等.Baileys心太軟,上面鋪上甜酒忌廉,心太軟外層焗得微脆,內層軟綿流心,食起上嚟有甜酒甘香,用埋有少少朱古力味.碟上仲有鮮雜果例如係芒果,奇異果,火龍果,西瓜,哈密瓜,食一食可以平衡一下,雪糕就揀咗綠茶味.榴槤心太軟,揀咗配曲奇雪糕.心太軟外皮呈黃色,比Baileys嗰款仲流心,榴槤味香但偏向人工化.兩款特色心太軟對比之下,我哋就比較鍾意Baileys嗰款多少少.另外仲有飲品.蜂蜜白桃梳打,杯底本身已經有白桃醬,再自己加埋梳打水同蜂蜜,飲起上嚟幾清新.蜂蜜菠蘿梳打,同白桃梳打大同小異,只係將白桃換咗做菠蘿醬.
聽到一糖呢個名有一段時間,呢日就嚟試試.佢哋係晌天水圍西鐵站同輕鐵站附近,沿路依住印咗店名嘅旗仔行大約幾分鐘就到停車場.
門面裝飾同牆上嘅彩繪好日本風.
佢哋係間甜品店,除咗多款口味心太軟同窩夫之外,仲有紫薯系列嘅甜品等等.
Baileys心太軟
23 浏览
0 赞好
0 留言
榴槤心太軟,揀咗配曲奇雪糕.
心太軟外皮呈黃色,比Baileys嗰款仲流心,榴槤味香但偏向人工化.兩款特色心太軟對比之下,我哋就比較鍾意Baileys嗰款多少少.
另外仲有飲品.
蜂蜜白桃梳打
41 浏览
0 赞好
0 留言
蜂蜜菠蘿梳打,同白桃梳打大同小異,只係將白桃換咗做菠蘿醬.
张贴
