有情有意 (已結業)

上次买咗团购劵嚟呢度任食西餐同刺身甜品觉得好抵，见到餐厅又有团购，今次约咗几个好耐无见嘅朋友仔一齐食。感觉今次食物外观有少许唔同，质素亦有少少下降，但价钱依然十分抵，而且职员有礼。餐汤由三款变一款，南瓜味重，亦食到南瓜蓉，但无其他味。凯撒沙律同烧鸡肉田园沙律配无花果黑醋汁两款沙律菜新鲜。水牛芝士蕃茄沙律同烟三文鱼芝士胡麻酱豆腐外观无咁精致，份量亦少咗，但唔影响味道。刺身普通，八爪鱼有啲唔新鲜。火焰鳗鱼苹果醋饭卷太大件。冷面好味。意大利饭有三款。鲜虾墨鱼汁意大利饭味道唔够，饭唔够淋。鸡肉红菜头苹果汁意大利饭同黑松露野菌意大利饭味道唔错。野菌白酒忌廉汁长通法好好味。香蒜辣椒蚬肉扁意粉无味，意粉唔系扁意粉，有啲硬。秋刀鱼唔熟我无试，但系我见朋友食晒应该唔错，肉眼，羊扒都几好，鸡翼外皮够脆又够味味。鸡扒好鞋。甜品味道麻麻。