The BASE (已結業)

第二次黎，呢到都仲系令人觉得好舒服。放工后同朋友倾计特别想拣个坐得舒服，食得自在既地方。虽然行工业风，但出奇地无令人觉得太刚，可能因为佢都用左唔少绿色&木既元素。好欣赏呢支水。其实唔少人食野有一部分都系食presentation，呢支水就有好好既presentation。放左薄荷叶系入面，虽然其实薄荷味好淡好淡，但单单系个presentation都令人觉得赏心悦目。我地叫左个set, 个蕃茄汤好足料，唔会太酸，蕃茄+菇+洋葱+herbs既配搭好令人开胃。个蒜蓉包好脆。成日觉得一个好既蒜蓉包真系好唔易做。蒜蓉既份量，牛油既份量，包既烘度，仲有包既选材，其实都要谂过度过先可以整到。呢个系上次食过觉得正，所以再encore既珍宝鸡虾球用左嫩鸡肉包住虾胶，然后用鸡翼骨做珍宝珠支棒，配左2个好味sauces。讲到成件事好似好简单。但要做到外脆内嫩仲juicy都真系考功夫架。所以先值得要encore.烧蘑菇成为左我既新宠，只要餐厅有，我基本上都必点！呢到既蘑菇比我想像中细，但加火箭菜食又几新奇。都系juicy蘑菇。切开烧有切开既好，唔使切蘑菇个时漏哂D汁。但我有时其宝就系追求佢漏汁个下有种治愈感。