Outback Steakhouse (已結業)

同班小学同学聚旧，拣左outback，贪佢D野食大份，又可以一班人吹水。「芝士薯条」：招牌菜之一，烟肉粒配厚切薯条，实在系一道唔错既小食！半溶既芝士加上热腾腾既薯条真系绝配！佢仲比左个sauce我地点,，个sauce应该系酸忌廉，点左仲好味D！"Steak"：叫左medium well，黎到都算对办，不过块牛扒唔算好好味，有D难咬；同埋无咩牛味，真系几失望。"Rib"：个ribs腌得好入味，又够淋，唔错！「洋葱花」：佢炸得好似㶶左d，食落去有阵苦味，所以我地食唔哂，亦无咩动力去食埋佢，下次唔会再食喇，因为唔好味！「炸虾球」： 好香，好脆，食落一d都唔觉得油腻！「海鲜阔条面」：佢个汁好杰身，都ok多虾同菇；第一啖食落去，个人觉得无咩味咁，但系慢慢食食吓，d芝士味就出黎，都算唔错。「鲜茄蟹肉意粉」：成碟意粉卖相混乱，原来份量都唔少。蟹肉大大粒，煮得刚熟，蟹味唔错；意粉酱汁系带有番茄味嘅肉汁，入面仲食到唔少番茄粒，酸酸甜甜， 捞埋d烟韧弹牙嘅意粉确实几好味！虽然有赞有弹，但都算系唔错既一餐dinner