籠太子點心專門店

营业中

休息中

金钱肚：正正常常，都入味，不过有啲啲韧。叉烧肠：肠粉上枱已切好，肠粉算滑，粉皮厚度正常，芫茜分布不匀，得一两旧有。南瓜煎堆仔：有4粒㖞，南瓜本身够甜，系即叫即炸，外皮松脆，就算等左阵先食都唔会凹左。荷叶乳鸽饭：其实冇乜荷叶味，乳鸽睇落得半只，肉切得太细，蒸完啲肉又细粒又韧，好失望，饭本身有味，加埋豉油冇肉都食到嘅。香滑反斗糕：睇名真系唔知系乜，但见有个推介👍，问左店员佢话当马拉糕，咁我钟意食马拉糕就即管叫啦。结果好伏😭，四旧鸡蛋糕仔，外型又唔靓，食落又实净，仲要冇馅，请问边度香滑？如果似马拉糕质感我都可以接受，但冇啰。鹌鹑蛋烧卖：底下肉质味道不错，但唔知点解鹌鹑蛋面头有个胶胶地嘅透明外壳，好似系鹌鹑蛋白形成，真系太实净，唔想吞落肚。去得点心专门店都系钟意佢啲点心即叫即蒸，其实嚟错，不过今日有几款中伏，食大路野应该好啲。