5
5
2
等级2
27
0
都系唔好乱咁听伙计所谓推介
2008-04-21 12 浏览
呢间酒家开唔够两个礼拜，佢原址本来系金麟酒楼，但东港城商场大装修后，个舖位有一大截间畀TASTE，所以依家呢间酒家size细好多，又所以饮茶时段都有好多人等位，正所谓新屎坑，特别多人想试，因此仲未有机会试佢点心，唔知掂唔掂？上星期四晚卒之忍唔住走去试佢晚饮小菜，一坐低就有好多伙计走埋问开茶未，初步觉得佢服务算唔错，当我同老婆度睇紧个Menu阵，其中一个伙计向我推介佢招牌菜，就系糯米鸡翼同石榴鸡，老婆唔食鸡，所以一定唔会考虑石榴鸡，至于糯米鸡翼本来都冇谂住叫，但系我叫个素鹅佢又话卖晒，所以咪听佢点叫两只呢个25蚊一只糯米鸡翼啰！唉......以后真系唔好乱咁听人推介呀！只鸡翼又细只，最命系冇味道，同农圃饭店比，真系输足9条街，真系唔知佢点解够胆同人讲系招牌菜呀！真系想即刻走出去拆佢个招牌，小南国椒盐小黄鱼都系25蚊一条，就好食同抵食过佢多多声喇。另外我叫烧汁野菌牛仔骨，呢味都几好味，仲有叫蜜桃咕噜肉，个菜名有蜜桃两个字，但就摷极都摷唔到一块蜜桃，只系有菠萝，点解唔叫菠萝咕噜肉呢？真系神奇！呢度白饭好细碗，仲要成10蚊碗，唔通米价真系加到咁离谱？系啦！仲有一样好笑想讲，呢间系用编号落单，咁
更多
呢间酒家开唔够两个礼拜，佢原址本来系金麟酒楼，但东港城商场大装修后，个舖位有一大截间畀TASTE，所以依家呢间酒家size细好多，又所以饮茶时段都有好多人等位，正所谓新屎坑，特别多人想试，因此仲未有机会试佢点心，唔知掂唔掂？上星期四晚卒之忍唔住走去试佢晚饮小菜，一坐低就有好多伙计走埋问开茶未，初步觉得佢服务算唔错，当我同老婆度睇紧个Menu阵，其中一个伙计向我推介佢招牌菜，就系糯米鸡翼同石榴鸡，老婆唔食鸡，所以一定唔会考虑石榴鸡，至于糯米鸡翼本来都冇谂住叫，但系我叫个素鹅佢又话卖晒，所以咪听佢点叫两只呢个25蚊一只糯米鸡翼啰！唉......以后真系唔好乱咁听人推介呀！只鸡翼又细只，最命系冇味道，同农圃饭店比，真系输足9条街，真系唔知佢点解够胆同人讲系招牌菜呀！真系想即刻走出去拆佢个招牌，小南国椒盐小黄鱼都系25蚊一条，就好食同抵食过佢多多声喇。另外我叫烧汁野菌牛仔骨，呢味都几好味，仲有叫蜜桃咕噜肉，个菜名有蜜桃两个字，但就摷极都摷唔到一块蜜桃，只系有菠萝，点解唔叫菠萝咕噜肉呢？真系神奇！呢度白饭好细碗，仲要成10蚊碗，唔通米价真系加到咁离谱？系啦！仲有一样好笑想讲，呢间系用编号落单，咁佢除有本比较靓Menu之外，另外又会畀张单张我睇，我原本想食素鹅系show本Menu里面，佢编号竟然同单张里面卤水掌翼一样，所以佢畀错个掌翼我，不过碟卖相好差，我唔想要，咪同个伙计讲话我系要素鹅，佢走，后来有个部长走同我讲素鹅卖晒，话帮我cancel个order，我问佢系唔系根本冇素鹅o架？佢死撑话有，但我睇番佢放面张单，个编号明明系写住卤水掌翼，真系服佢啰！最后呢度小菜碟头唔系好大，同稻香差唔多，真味鲜厨就大过佢好多喇！真味咕噜肉好食过佢好多。
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
人均消费
$100