岩浪天扶良日本料理 (已搬遷) 新店位置

同朋友食生日饭，听闻呢间lunch都好抵食，所以我哋一行三个人就订咗呢间，但唔系坐吧枱，我哋三个人各自叫咗一个14贯寿司餐，佢每次三件四件咁样上，寿司嘅饭量唔算多，鱼生都算几有鲜味，但始终个感觉同坐吧枱好唔同，另外美中不足嘅地方系每一次侍应介绍时，都系极快咁样讲完，亦都冇话俾我哋知食寿司嘅先后次序，同埋去到食甜品𠮶阵时，睇返啲相先发现原来佢比少咗件寿司我哋，虽然佢后尾都系会补返，但系系希望我哋食完雪糕再俾我哋，个感觉上边唔系太好，所以整体来讲今次嘅寿司体验都系一般般，而我亦都觉得佢哋嘅服务态度需要改善。