馬家莊清真館 (已搬遷) 新店位置

听说呢度有牛肉饼，又有羊肉饼... 终于忍唔住去试。可能因为舖比较细，d 侍应成日催人落单，有点烦。叫左几样野: 牛肉饼、羊肉饺子、摩啰鸡炒饭、蒜蓉炒白菜。牛肉饼: 有肉汁的，但肉汁的味道唔够清真牛肉馆的香浓... 算唔错，但唔系最好。羊肉饺: 饺子皮太厚，唔够烟 un。而羊肉系比较膻的，睇你惯唔惯。食一两粒都 ok，但食多就觉得有点滞。摩啰鸡炒饭: 似咖喱鸡炒饭，微辣，几香的... 唔多油。蒜蓉炒白菜: 唔知点解，反而觉得佢呢样系最出色。白菜清甜同埋好爽，仲有蒜蓉味香浓。个位较偏僻，同埋唔算有好大惊喜。应该唔会再去。