台灣麵

营业中

休息中

晚餐時段，入左荃灣去左呢間店食飯。。。之前每次食飯都係揀紅燒牛肉麵，中意佢夠惹味，牛肉夠淋同湯底夠濃味！而紅燒嗰種辣味出色，比淨牛肉麵仲要好味！見次次都係叫紅燒牛肉麵，好無新意咁，今次揀左個椒鹽排骨新竹米粉，明明係排骨，點解出左豬扒😱，骨都無舊，真心懷疑佢有無違反商品說明條例？！椒鹽”排骨"有D鞋同無椒鹽味，好大落差！配少少菜都加番少少分既，但我諗我唔會再叫囉！朋友食紅燒牛肉麵，勁多牛肉，味道不變，望住佢食，有衝動想同佢換！另外叫左個做緊特價既滷大腸，滷水味入味，都可以ENCORE!