築地‧山貴水產市場 (已結業)

早期开的时候经常有报道都话劲多人，又要预早成个月订位，又或者要排长龙入去。依家人流就少好多了，可能地点问题，十分唔就脚。6:30左右有表演，但是不是晚晚都有就唔知啦，因人数太少(得十几人)都迟了一些先开始。条鲔鱼非常大，如未睇过都值得睇睇，之后都有少少比大家试食。一入门口就是小型超市，品种不算太多，行Sogo、City Super好过，将d地方转埋餐厅仲好。都有几多海鲜选择，做矶烧一流龙虾包是其中一档，行过几次都唔见有人食我就帮衬咗食寿司，真系有点失望，选择非常少。没有免费清水供应，绿茶$8一杯，个职员话无加一所以茶要收费。Order咗寿司盛Set B $98，寿司盛Set C $98，另外散叫多两件，寿司好新鲜，但可惜选择太少。龙虾泡饭就十分细碗，龙虾尾半只，龙虾应该不是新鲜的，没有鲜味，一粒蚬，一粒壕，个汤就好鲜甜，加返d分，都值得一试。野菜乌冬都ok，最可惜是细碗啰……整体上食品质素都唔错，价钱就偏贵些少。如果将店舖合并就好好多，多好多选择。如拣食寿司就无丼或烧海鲜食，食矶烧海鲜就无得拣寿司。要食齐……走来走去啰……，所以都系帮衬一、两次。