金滿堂甜品

营业中

休息中

约咗个 friend 喺隔离食完饭，不过食得太饱，所以最后行街行咗1个钟之后，先嚟返呢度食甜品。估唔到，咁多人排队。头先食完饭𠮶阵系无人排……点解明明饱都坚持要食甜品？因为呢间甜品店系人气长龙店。以前读书𠮶阵，就系迷上咗呢度嘅麦提莎糯米糍，之后自己就尝试整。今次难得嚟到，梗系要回味下。等咗约15分钟就有位，头先等位𠮶时已经睇定餐牌落咗单。因为系长龙店，所以甜品店就采取呢个方法去缩短等候时间。一坐低无几耐，就有得食喇！麦提莎糯米糍，一碟6粒，2个人食都几满足！外皮软糯烟韧，皮唔算厚；中间包住一整粒麦提莎，仲系脆架，好感动。点解人哋可以包得咁靓，我就唔得？点解人哋啲皮同麦提莎可以咁干爽，我自己整就出唔到呢个效果？另一样甜品就系「紫薯心太软」。自从上次喺另一间甜品店食过同一款心太软之后，我就发现紫薯心太软要整得好食，似乎一啲都唔容易。上次𠮶间唔好食，今次呢间嘅出品，同样令我失望。虽然系比上次嘅好啲，但都系一般般。雪糕同丸子就还好，我觉得呢2样帮佢抱回咗啲分～无咩紫薯味，朱古力味多啲，而且外面稍为干咗啲～我要继续寻找美味嘅紫薯心太软！！