媽咪雞蛋仔 (已結業)

朝頭早11點幾又未到食晏晝，有啲口痕想買啲小食， 就諗起附近有間幾好食嘅雞蛋仔。 行到過去，都有幾個遊客喺度等緊，好彩都唔使等太耐，本身諗住食原味，但又諗起之前朋友講伯爵茶味幾好食 ，咁就買個伯爵茶味雞蛋仔試下啦。畀完錢攞咗飛， 等咗兩個字左右就整好喇。 個雞蛋仔表面都算脆嘅，入邊又唔算空心， 都整得幾好嘅。但係伯爵茶嘅味太濃蓋過咗雞蛋仔本身嘅味道，食唔到蛋香味。可能我個人都係鍾意原味嘅雞蛋仔多啲，下次再嚟我都係揀返原味吧。