影片
更多
2016-05-04
210 浏览
老公放假要去揾朋友，去左十年都唔去一次既土瓜湾估唔到呢度都有间蒸海鲜，老公话要试一试虽然门仔细细，不过上到去都几大感觉几开扬，装修都新净仲有卡位添呢度都有海鲜套餐不过平个个我又有D野唔食，贵又贵得滞，不如散叫几样野试下啦~不过尼，呢度都好多系时价黎，落单时真系要问清问楚~除左蒸海鲜，仲有刺身食，不过今日主打蒸野，刺身都系留番去日本铺头食啦~呢度既调味系放系张枱度，虽然无平时个D咁多，不过干净企理 (其实我平时都系食呢几样就够)行出去睇过D海鲜，以大野居多，反而无咩贝壳类同蚬仔个D~ 至于个蒸炉，盖系半透明，可以望住入面D野熟未~呢张宣传单张，临走先到见~@@除左刺身，呢度连生蚝都有添~ 仲要10蚊只~原来有得送粥底，不过我都系后尾先见到，加上又饱，所以无要到了~总之，成张单既优惠都无左~ ><3头大元贝HKD 68 / 只 元贝蒸到九成熟，好嫩滑，唔痴牙虫草花8头鲍鱼仔HKD 55/只要赞一下鲍鱼洗得超干净圣子王HKD 58/只好大只，又系清理得好好~以上的海鲜，基本上真系清蒸，无任何调味料，只加几粒葱~不过，唔知系清理得太过干净，好似无咩海鲜味~加上又无加任何调味，所
估唔到呢度都有间蒸海鲜，老公话要试一试
虽然门仔细细，不过上到去都几大
感觉几开扬，装修都新净
仲有卡位添
呢度都有海鲜套餐不过平个个我又有D野唔食，贵又贵得滞，
不如散叫几样野试下啦~
不过尼，呢度都好多系时价黎，落单时真系要问清问楚~
除左蒸海鲜，仲有刺身食，不过今日主打蒸野，刺身都系留番去日本铺头食啦~呢度既调味系放系张枱度，虽然无平时个D咁多，不过干净企理 (其实我平时都系食呢几样就够)
行出去睇过D海鲜，以大野居多，反而无咩贝壳类同蚬仔个D~
至于个蒸炉，盖系半透明，可以望住入面D野熟未~
呢张宣传单张，临走先到见~@@除左刺身，呢度连生蚝都有添~ 仲要10蚊只~
原来有得送粥底，不过我都系后尾先见到，加上又饱，所以无要到了~
总之，成张单既优惠都无左~ ><
3头大元贝
HKD 68 / 只
元贝蒸到九成熟，好嫩滑，唔痴牙
虫草花8头鲍鱼仔
HKD 55/只
要赞一下鲍鱼洗得超干净圣子王
HKD 58/只
好大只，又系清理得好好~以上的海鲜，基本上真系清蒸，无任何调味料，只加几粒葱~
不过，唔知系清理得太过干净，好似无咩海鲜味~
加上又无加任何调味，所以，都不得不加番D调味料去提下味~
蒸云吞
HKD 48/半打
我觉得我叫错野，应该话，云吞系唔可以蒸的D云吞皮蒸完后好鬼硬，同落水煮系两回事~@@
半打云吞，有3只系无虾，3只有虾，几趣致
唔知系咪头先的海鲜真系太清，觉得D云吞馅都几咸~ 乌鸡豚肉丸/手打虾丸
HKD 60 / 4粒
呢2款丸做得不错，够爽口，味道都咸淡适中
而且丸中仲有少少肉粒增加口感
唯一就系贵啦，成15蚊一粒~@@
虫草花鸡HKD 168/半只
以半只黎讲，份量都算大~
鸡肉都蒸得很嫩滑，唔会嚡十十调味算唔错，初食觉少淡，不过食多几旧就觉得啱啱好~
呢度望落几宽敞，不过原来脚下暗藏玄机
因为枱下面有个炉，我老公基本上系要分脾坐~@@ 我虽然脚短，可以坐得舒服D，不过呢，成晚撞到个铁柜砰砰声~@@
是夜平日无咩人，所以待应姐姐成晚就企系我地身边等D海鲜熟同帮我地换碟~
不过呢，有个人企左系度，我同老公想倾下计都有D尴尬啰~@@
2条友乱咁叫，叫左成8百蚊~@@
呢张单仲未完因为仲要加 18蚊一罐的王老吉同15蚊一罐的可乐~
同埋加一
下次食蒸海鲜，都系食套餐有数计~
张贴
