樂園魚旦專家 (幸福商場)

营业中

休息中

最近天气一系劲热，一系劲落雨，真系冇咩心机食野。黎到食晏时间，就简食粉面食下啦。呢间乐园开到周围都系，应该系好食先开到咁多。系长沙湾呢间，食晏时间都几多人，不过好彩等左一阵好快都有位。一般有既牛丸墨丸鱼蛋都好齐，冇谂到原来牛腩类佢都几多。最后简左牛腩墨丸米粉，加个油菜同冻柠茶。咁简单就系最基本香港人既午餐。油菜系菜芯，好多菜，又好新鲜。最钟意咬落菜芯有甜味既感觉，又嫩绿冇根。双拼黎到，墨丸果然够大粒，有咬口有墨鱼粒。唔会发泡胶咁，系好有质感个只，好正。佢地既牛腩真系唔错，睇落都系半肥瘦，肉质够靓，食落唔会好硬痴牙，亦唔会太腍好似唔驶咬个只，真系出奇地好食。难怪可以开到咁多间。而且唔止碟菜够多，想话碗双拼都几大碗，果然真材实料。