咖喱物語 (已結業)

星期一同治疗师食晏，佢话之前行过见到呢间铺已经好想试，可惜一直苦无机会，咁岩我可以陪佢食晏，所以就二话不说就向翡翠明珠出发。一点钟左右入座，都唔洗等位，依家我地仲有圆形卡位坐，感觉都ok，打开menu见到d set lunch由40几蚊起，有个汤同饮品，铜锣湾咁0既价钱都还可以啦。治疗师点了一个咖喱炸鸡蛋包饭(相中)，我点了一个咖喱鱼柳石头饭(挂住食，忘了拍照)。咖喱炸鸡蛋包饭，味道都可以吧！炸鸡未至于m记的麦乐鸡，炸粉还不算太厚，尚可以食到一旧完整的鸡肉。咖喱鱼柳石头饭，我比较欣赏的是个咖哩汁可以分开落，如果怕太辣的朋友，就岩晒喇！同埋唔洗俾d汁浸住d饭，不错！