Pancake Colours Cafe & Bar (已結業)

朋友同我庆祝生日，拣左呢度食晚饭，一入到去个布置几特别，每张同椅都不同款，可能时间尚早7点未到，环境都唔嘈杂，我同个朋友每一叫个一人套餐(餐汤+主菜+饮品+甜品)都系$58，餐汤只得忌廉汤一款，主菜拣左海鲜喇沙炒意粉，食落够热，有少少辣，都几野味，另一款叫左白汁海鲜焗饭，上都系热辣辣，饭上都有几多海鲜，至于饮品，我地两杯都系叫左咖啡系列，不过杯野就够大杯，味道就麻麻，甜品有两款选择(西瓜或忌廉泡芺)，我同朋友都觉得野都几好食，只系饮品唔掂，至于服务方便，待应入场有带位，到差唔多食完主动帮你收碟，同会问下order齐未，有无漏单，当晚见有几客庆祝生日，待应都有唱生日歌同帮忙影相，我同朋友坐左成三个钟自己先埋单走人，可能系闲日所以无时间限制，收银处亦见到一著便服女子同男人都有招呼客人，无之前写食评人讲到懒洋洋坐系度，可能餐厅管理人有所改善啦，呢度都系一个聚脚既好地方。