扒王之王 (已結業)

呢日同几个同学黎呢度食饭，扒王都唔知几耐无食过啦。呢日既下午都唔算多人既，我地叫左个午餐食，都系四十几蚊到啦。红汤始终都无乜期望，所以都无失望。都系好淡好淡既蕃茄味，同埋唔知有几多既菜。个餐包就唔够热，牛油都溶唔哂。黑椒牛扒比我预期既大块同几好食既。牛扒算几有肉味，又唔会煎得太干。基本上都合格既。个黑椒汁就唔会太咸，但又唔算特别既。冻奶茶平时就奶多过茶既，呢次就茶多过奶。我忍唔住叫佢俾勺花奶我，加左奶就好小小啦。野食都唔差既，但谈不上好食。而服务都一般啦，唔知点解我坐既位好冻，但又唔系风口位黎架。