泰巷 (已結業)

一清早人在荃湾揾食，荃湾好多野食，但好多都系小巷，人生路不熟，入去既个商场，见座位八成满，都应该唔会差得去边。呢度有选择唔少，有泰式早餐同西式，左睇右睇，都系想食下吉列鱼柳！打开Openrice…..真系劣评如潮，心谂都系冻同水，好彩只系食个早餐！吉列鱼柳配炒嫩蛋燕麦厚多士....好快有得食，卖相还可以，菜系少左D，鱼柳够大块，先食一口最想食既鱼柳，比起出面D薄到好似张纸既好好多，佢都好厚身，系一般冰柜龙利柳既厚度，无再片，新鲜炸起，不过就完全无调味，只差一步，可惜！炒蛋虽然有蛋汁，但系熟果部份就好熟，估计都系就咁放系锅度无点炒过，又系可惜。燕麦厚多士够厚身，烘得香口，上埋牛油，正！其它就无咩好写…咁既价钱，系商场入面，坐得舒舒服服，都系合理，食物水准无想像中咁差，执番身彩！