安利大排檔 (已結業)

星期日如果在家的话，多会煮饭，下昼就同太座去筲箕湾买菜。揾地方食晏，非东大街莫属。上次吃了王林记，今次就试下安利。两点几去到安利鱼蛋粉，门口少说也有十五人在等，好似唔使钱咁。坦白讲，香港地咁多好野食，都有东西是值得花时间在门口等位的，但区区鱼蛋粉就不在此列。就同太座去另一间安利鱼蛋粉，又系十几人在排队，几时香港人咁钟意排队？行多一个舖位，见呢度又系安利，人亦无咁多，刚好就有二人位。虽然也看过食评对这里的恶评，但眼看又唔似咁差，就同太座入来试下。呢度似茶餐厅，有粉面、多士、三文治都有。望左望右，由食客投票，似乎十台有七台都叫切腩，「捞面」指数更是十足十，有见及此，都叫了切腩捞面，当然不忘交带要爽腩，加个净鱼蛋同菜一碟。碗捞面好快上台，份量不太多，但好深色又好香麻油味。切腩是清汤腩，又真系两碗都俾到爽腩，吃一旧，味道唔错，虽然廋的部份是有点韧，算几有水准；捞面的甜酱油下得重手，加埋麻油味道过浓，所以一定唔觉有碱水味，拿汤浸一下刚好，下次来吃要叫「扣色」。捞面味道都几好，也是我偏爱用麻油来捞面的原故；净鱼蛋除了鱼蛋及鱼片，还有几块炸鱼皮。这里的鱼片弹牙，味道好过鱼蛋，但俱无鱼味。反而炸鱼皮唔