米子

营业中

休息中

Item: 米子
Rating: 2
Author: 晞猪

CÓMMM Vietnamese Cuisine

3.5

126 食记

味道

环境

服务

卫生

抵食

5629

九龙湾

$51-100

越南菜粉面/米线少盐少糖食店

资讯:
餐厅:	米子

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

晞猪

等级4

285

男朋友心血来潮带我去食次次都见到等晒位既呢间越南野。我地都无例外等下，之前几张都系二人，所以都有心理准备要等。前面入晒枱得返我地，后面无人等，个部长人见身后张大枱埋单就话叫我地坐。点知语音未落有人走埋黎话七位即刻俾左佢地😑叫我地叫左野食先想留坐我地😐。其实我地赶住要攞野，犹豫紧转唔转地方之际，佢好彩啱啱有张二人枱起身。有少怀旧少工业风装修既店面，入到去见到餐牌啲嘢唔算贵。咁就好快就叫喇沙，庶虾，蛋包金边粉，炒椰菜苗，芒果糯米饭，买二送一饮品芒果椰果冰。好～饮品无特别，芒果糖浆开水加几粒椰果。喇沙呢真系普通，食惯土司工房喇沙，呢个汤又浠味又唔浓，胜在有只大只啲既虾无食评讲到咁好食。马拉盏炒椰菜苗，啲椰菜苗老好硬，好细碟都唔系马拉盏炒嘅，不过佢哋有落细虾酱。之后等左好耐我男朋友又食完佢碗喇沙，椰菜苗又俾我食晒咁滞。终于都上个蛋包金边粉，个卖相几靓嘅𠮶两只虾栋左响蛋网既面。个蛋网OK嘅，炒金边粉个汁呢就系西炒饭既茄汁，好食过之前𠮶两款咁啦但系都系普通，佢配伴碟有一啲银芽都叫有少少诚意啦🙄。因为上菜慢嘅关系我男朋友自己行咗返德福攞嘢先，但系佢攞完野返黎，个庶虾先刚上无耐😐可想而知等左几耐。庶虾卖相好睇，但唔系传统细细条，只系一大旧好似热狗肠咁嘅做，切开四片。庶浸左水拍散咗唔甜，虾胶就厚带唔出味好似虾胶还胶味庶还庶咁😑。最后系个甜品芒果黑白糯米，椰汁佢地分上，可能想俾我地睇到佢哋将个糯米整成心形分咗两层挂。啲糯米劲～～～～硬，就咁食咀嚼好耐先食到味（其实佢哋知唔知煮啲啲糯米饭系要落少少盐嘅呢😒），个椰汁系无味嘅又浠想点。想啲糯米咁硬点啲椰汁食睇下好唔好啲，仲衰😑明明个汁无味架但系整完落去饭度连个饭都无埋味😑😑😑。整餐饭成三百几蚊坐左好耐我明点解要等位唔系因为好好味啰，上菜咁慢究竟点解又系呢啲质素呢。