敏華冰廳 (康怡廣場北座)

营业中

休息中

又系衰到我要写评嘅一餐，自己喺屋企煮都好食同干净过佢，又唔洗谷气。同家人食晚饭，本身谂住食元气，家人身体情况唔等得，去咗附近嘅敏华冰厅，呢一间野。入到去已经好似自生自灭咁，侍应根本都完全唔想招呼我地咁款，唔知仲以为食紧自助餐添呀，咁都算啦，问侍应想要只杯，完全唔同你交流，一句「好呀 / 请等等」都无，就咁行咗去拎杯过黎。叫野食，一睇餐牌，小菜得三款，想食吓一人火锅啦，点知得一只汤底，仲要除咗牛肉之外乜肉都无，所谓嘅西式晚餐又系得三款，想叫黑糖饮品啦，又全部黑糖嘅饮品都无。谷气，咁叫个叉烧饭俾家人食完就算啦，叫佢地走豉油，家人唔可以食豉油嘅。个饭送到黎，个侍应鬼食泥咁lur咗句：「落咗豉油呀要唔要」，一句唔好意思都无。送野饮黎又pea吓pea吓咁连饮管都可以整跌。食饭只羹系笠痴痴嘅，d侍应都已经咁样态度完全零服务，里面都唔知有无洗碗。