道生麵館

营业中

休息中

今朝去剪完头发10点几就顺便去排下队去食啦，去到排第一位就肯定有得食传说中既崩沙腩河粉。排队排咗1小时，写话11:30开门，但系差唔多11:45先俾人入去，入到去之后坐多咗5分钟至10分钟先至开始写嘢。落单个姐姐态度极为差，都唔明点解要来受佢气，一味系咁闹人，香港饮食业咪就系比呢啲人搞到差晒啰。我哋两个人叫咗一碗崩沙腩同一碗坑腩河粉，先嚟咗一碗崩沙腩河，完全唔明个崩沙腩点解可以咁多人为咗呢个排队，一咬落去成口都系油，又韧。我哋食完晒成碗崩沙腩河，另外𠮶碗坑腩河粉都未嚟。结果等多咗成10分钟另外𠮶碗先至嚟，坑腩一咬落去仲油过个崩沙腩，个汤底又淡。总结就系为咗呢碗崩沙腩同埋坑腩河粉浪费咗我人生两个小时。