影片
更多
2022-06-20
2623 浏览
.📍彩绘轩📍#馒头去荃湾 #馒头的港味道 #馒头食中式菜 #馒头食面包------------------------------1️⃣ 潮卤滑豆腐 ($35)表层煎到淡黄，食到先煎后卤嘅鞋身软淋脆皮，内里非常顺滑🤪，豆香都够重。酱汁味道有啲似日本照烧汁，唔会好甜，几啱我口味，配埋少少蒜香同爽口嘅紫菜，每一啖嘅口感同味道都好丰富，值得一试。◾评分：8.0/10------------------------------2️⃣ 准香椒盐白饭鱼 ($45) 脆浆几均匀，炸得ok香口，咬落去唔会甩皮甩骨；调味方面椒盐香偏淡，唔太重手，加上粉浆偏厚，食多几嚿就会觉得油腻☹，而且白饭鱼好薄肉，整体食落有啲干身，冇乜外脆内软嘅口感。未至于差，但感觉对唔上呢个价钱。◾评分：6.8/10------------------------------3️⃣ 龙皇野菌肠 ($30)外型有啲似炸两，外面系一层好薄嘅肠粉皮，肠粉皮营剔透，拉得够滑，食落冇粉得嚟又有少少米香同软韧👍🏻；中间有一层脆卜卜嘅春卷，馅就有一梳梳实净嘅鱼柳同埋超多杂菌😍，浓厚嘅野菌香同鱼柳嘅鲜味都好夹，整体食落去会出咗三种口感，有几分似食炸两，但冇乜
📍彩绘轩📍#馒头去荃湾 #馒头的港味道 #馒头食中式菜 #馒头食面包
------------------------------
1️⃣ 潮卤滑豆腐 ($35)
表层煎到淡黄，食到先煎后卤嘅鞋身软淋脆皮，内里非常顺滑🤪，豆香都够重。酱汁味道有啲似日本照烧汁，唔会好甜，几啱我口味，配埋少少蒜香同爽口嘅紫菜，每一啖嘅口感同味道都好丰富，值得一试。
◾评分：8.0/10
------------------------------
2️⃣ 准香椒盐白饭鱼 ($45)
脆浆几均匀，炸得ok香口，咬落去唔会甩皮甩骨；调味方面椒盐香偏淡，唔太重手，加上粉浆偏厚，食多几嚿就会觉得油腻☹，而且白饭鱼好薄肉，整体食落有啲干身，冇乜外脆内软嘅口感。未至于差，但感觉对唔上呢个价钱。
◾评分：6.8/10
------------------------------
3️⃣ 龙皇野菌肠 ($30)
外型有啲似炸两，外面系一层好薄嘅肠粉皮，肠粉皮营剔透，拉得够滑，食落冇粉得嚟又有少少米香同软韧👍🏻；中间有一层脆卜卜嘅春卷，馅就有一梳梳实净嘅鱼柳同埋超多杂菌😍，浓厚嘅野菌香同鱼柳嘅鲜味都好夹，整体食落去会出咗三种口感，有几分似食炸两，但冇乜油，点埋豉油就更加正，呢个组合都几新鲜。
◾评分：7.9/10
------------------------------
4️⃣旋风黄金流沙包 ($30)
一款需要喺白面团到铺上一层由竹炭粉造成嘅面团，再反复砌出黑白螺旋型层次，，都几花点心师傅心思💁🏻♀️。可惜包略为干硬，唔够松软，咬咗一啖之后久久不能回弹。好在黄金流沙馅料相当有爆浆感💯，一咬开系好澎拜咁涌出嚟，咸蛋黄香味四溢♥️，暖粒粒又唔会甜到漏，但奶黄味就唔算香浓，如果咸蛋黄嘅颗粒感再出啲，口感上会更加丰富。
不过而家好难揾到好食嘅流沙包，馅料唔系太凝固唔流心，就系冇蛋黄味，完全就系奶皇包，所以我已降低要求，有流心就已经非常感动。
◾包体：3.1/5
◾内在馅料：3.9/5
◾评分：7.0/10
------------------------------
5️⃣芝心海皇千丝春卷 ($33)
外层系用上面条丝嚟包，千丝金黄细致，入口香脆😋，唔会过份松散；内有鲜虾粒同带子粒，口感未至于好弹牙，但鲜味几出，再夹入少少溶咗嘅芝士同菇菌碎增添香浓，食到外脆内流心同外香内鲜味两个口感层次😍。
◾评分：7.5/10
------------------------------
6️⃣ 姜葱虾子炆淮山面 ($70)
虾球大大粒，份量颇，每粒都爽口弹牙，食到少少甘甜；淮山面面身够干，面质偏淋，但唔会一夹就断，有啲嚼口，豉油上色均匀，韭菜同芽菜，炒得非常之香🤤，镬气同味道都足够，唔会太咸太油腻。但整体感觉似食紧豉油王炒面🤔，叫做合格之上，可以一试。
◾评分：7.4/10
------------------------------
🔸整体评分：7.5/10
🔸小编回头率：7/10
连锁集团茶楼嚟讲食物品质都算唔错，价钱合理，都坐得舒服，而且唔系蓝店，实在谂唔到去边度饮茶，呢间都ok。
张贴
