蜀大俠 (已結業)

嚟试呢个平时喺铜锣湾都成日经过嘅四川火锅！我哋呢就叫咗一个麻辣锅同埋番茄锅， 麻辣𠮶边都好食嘅，但系属于比较辣，即使我哋只喺叫左少辣。因为时间早嘅关系，d staff好free，就教我哋点样食，我知四川麻辣锅会有香油配豉油蒜同葱，造成一个油碟，点咗会香口啲，同埋冇咁辣，但系个staff今次仲教咗我地用呢包干碟，唔使捞落啲油度，系直接用嚟点食食物，原来咁好好食㗎㖞！呢啲干碟系一包包嘅，所以呢我哋食净𠮶一包就拎返咗屋企(酱料同茶钱成25蚊位㖞，仲唔攞！) ，个staff仲教我哋呢用佢腌鸡翼会好好食嘅~食物方面佢哋都有啲四川火锅常食嘅包括系毛肚呀、黄喉等等。 左边系最贵嘅牛肉，右边系豚肉，都系唔错嘅，而且唔系啱啱攞出嚟溶雪𠮶啲。 麻辣火锅唔少得嘅鸭血，鸭血系比较有味道嘅，系我钟意嘅。试咗呢个宽粉，同我哋平时食辣嘢喺大陆度𠮶种透明红薯粉唔同，佢系烟烟靭靭嘅，个staff推介我哋食嘅，叫我哋食辣嘢之前先系番茄汤煮呢个食，个胃会舒适d，我觉得好好食，重encore咗呢个~overall我觉得呢间真系几好食嘅，如果平d就更好！