德發牛丸粉麵

营业中

休息中

之前睇YouTube见到人介绍过呢个熟食中心，对于呢个牛丸有兴趣。第一次去嘅时候唔知中心冇开定我唔识路，系揾唔到入去嘅，到第二次经过再尝试去揾终于揾到！翻新咗既熟食中心其实都好现代化，比想像中干净好多，又光猛，反而系入去条路经过街市就有啲湿污糟。当日唔系好肚饿，纯粹系经过又想试，所以就叫咗碗净牛丸。上菜速度都好快，落单冇耐就煮好有得食。牛丸质地相当之爽弹，可能都算系我食过最弹嘅牛丸，不过就觉得冇乜牛味，亦都唔太Juicy，就系一粒弹弹嘅肉丸咁。汤都正路冇乜特别，特别嘅大概系呢个地方同风味。