樓下冰室 (已結業)

都市传说，话呢一间餐厅啲嘢食好好食，所以立心嚟试一试 ，点知就系超失望，therefore 而家嚟讲下。招牌蕃茄午餐肉汤面 配牛乳炒蛋、牛油厚多士，跟餐饮柠檬茶。招牌蕃茄午餐肉汤面，蕃茄汤底的确系够浓，酸甜唔系好平均，感觉系好酸，但系有缺少咗啲香甜味 ; 午餐肉都有煎香，但系就干咗啲。牛油厚多士，烘得唔够透彻，又唔够牛油香，又唔系好够热。牛乳炒蛋，炒得够嫩滑，但系调味不足又冇乜蛋香。柠檬茶，茶仔底香浓，但系柠檬苦涩，味道唔平衡，又要扣分。今次嘅用餐经验话我知，传闻嘅嘢，信三成就好，冇期望就唔会有失望。