滴水坊

营业中

休息中

近年食素已经变得普及&年轻化，系响应环保或健康身体都好，有时候清心寡欲都唔错！听讲九龙湾有一间素食店系由台湾佛光山寺院开，既然台湾佛教咁流行，相信佢地嘅味道都应该会唔错。 入到去嘅感觉同其他素食店好唔同，唔会好佛教，好causal嘅感觉。 一张点菜纸写哂所有食物，好窝心系套餐果栏，饭有多或少俾你选择，听店员讲，系寺院方面希望人人可以食得温饱，所以你想要多d饭都会照俾你，而选择少饭系店方唔想大家浪费食物。 套餐：咖哩素鱼扒饭+炸咸酥鸡+汤$53 咖哩素鱼扒饭，咖哩味好香，唔系印度咖哩果种，似马来西亚果种味，唔辣，味道好中道，而块素鱼味道同质感都好特别，佢有7成鱼嘅口感，当然无鱼嘅味道，但作为一块假鱼，佢已经好合格。里面嘅薯仔炆得够稔，整体上系好味。 炸咸酥，炸得好香口，味道亦好吸引，虽然系d面筋类素制品，但调味后好吸引。 汤，系粟米红萝卜豆汤，煲得好老火，好香浓。无左肉味嘅香浓老火汤反而保留到食物嘅原汁原味，比有肉嘅还来得自然舒坦。 最钟意系食唔到佢地有味精，全个套餐嘅味道好家的感觉，从店员嘅热情款待到食物质素，完全无商业味道。