王家沙 (已結業)

呢度以前都写过食评，评价只系一般，估唔到今次帮衬食午饭，又有d意外惊喜㖞。话说平安夜的下午茶时间两点几钟来到旺角呢头，发觉食西餐的地方好多都做紧午市圣诞餐或者无做下午茶，暂停营业准备晚上「㓥客」，咁啱来到「王家沙」附近，见d午市套餐唔系贵，好似都几多嘢食同选择，于是即管再去试试水准有无高番或下降啦！同老婆仔叫左两个套餐，主菜要左一个「咕噜肉」、一个「炒鳝糊」、冷盘就要了一个「皮蛋豆腐」同一个「香漕猪手」。都话左有意外惊喜，𩠌菜上桌后，发觉四碟的味道都唔错，就系味道浓了一点（莫非果真是上海菜浓油大酱乎？）。猪手有酒香；咕噜肉甜酸度适中，十分开胃；鳝糊份量不少，味道亦佳，送菜饭同吃，不错不错！加埋冷热豆浆各一杯，不收加一，埋单只系$90，算系几抵，都系一个开饭好地方呢！