泰識野 (新北江商場) (已結業)

呢几日突然好想食海南鸡，行过新北江见到呢间泰识野新开未试过就一于试下啦，今日买外卖返去食，睇下餐牌就买左海南鸡饭加2串沙嗲食。无骨海南鸡饭，饭系用黄姜饭唔系鸡油饭，但我又几钟意食黄姜饭所以加分，饭都算粒粒分明几靓仔，少少黄姜味唔会好重，鸡都几滑仲有啫喱，48蚊都食得过。泰式炸春卷，跟餐加12蚊2条既炸春卷仔，呢个好老实讲有d揾笨，非常唔值，所谓泰式春卷根本同超市公仔点心d春卷一样，毫无特色，又无乜馅，唔建议加。沙嗲串烧，我拣左鸡同猪，店员话系生烧的所以等耐d，确实烧得唔错，就算外卖返去冻左食都仲好香口，我拣左唔辣所以跟沙嗲酱，沙嗲酱好香有少少花生酱味，同沙嗲串食非常夹，但如果佢d酱系另外装俾我就好啦。整体上食物质素算唔错，价钱都算合理，系个春卷觉得超唔抵食。