大家樂 (已結業)

行到有少少饿，想食野又唔想太饱，选择黎左大家乐。叫左红豆冰配西多士，再加五蚊要埋个雪菜肉丝米。好多人，啲西多卖哂，收银话要等十分钟到，ok啦，咁样会新鲜炸起，仲好。终于有得食，西多真系热㖞，正，入面仲有花生酱，好味，要左练奶，我钟意食奶多过糖胶。雪菜肉丝米都唔细兜，五蚊ok啦，味道都几好，淡左少少。红豆冰好甜，多豆，啲豆略硬，不过都收货啦。下午茶廿几蚊，其实都几平吖，有个有冷气嘅地方坐下，我觉得ok㖞，都唔系其他人讲得咁揾笨啫。