蓉玥

营业中

休息中

辛苦得来志在食，返工有时都真系激到成肚气，围炉食野申下先唔会屈到病。先以前好钟意食泰国野「珍意」，自从珍意无做之后，就好似痛失饭堂，每日lunch time 唔知去边好。之后开左间尼间「蓉玥」，食中菜主打四川，麻辣野系做得几出色，味道调配得好好，之后再同大家介绍。今次想介绍佢既霸王鸡，系姊去度最常嗌，鸡嫩而且多葱多芫茜，鸡底下仲有啲青瓜丝，味道浓淡适中。至于咕噜肉，用咗南乳腌肉，有淡淡的南乳味，但系就炸得太过火，肉有啲硬，所以咕噜肉就唔系好推介。舖头位唔多，都越嚟越多人帮衬，就算食12点都有机会冇位。📍 蓉玥 (筲箕湾)筲箕湾筲箕湾东大街14-22号东旺楼地下D号舖