瓊媽媽 (皇后大道東)

营业中

休息中

有日行过发现公司附近开左新店，lunch可以试新野！因为见好似几多人等，所以预先打电话叫定，方便自取唔使等。不过其实即买都唔会等太耐，因为佢d野食基本上都整定，所以我打电话去佢都系话可以即刻黎攞。到达餐厅一俾钱就拎得。首先介绍呢个系手撕鸡菜饭。手撕鸡系冻既，面头淋上酸辣汁，底下有芽菜，好入味，而菜饭都多菜。另外叫左海南鸡油饭。鸡都系冻，鸡都几肥下，有姜蓉，油饭ok。唔知点解无配到酸辣汁，得黑豉油。跟饭有餐汤送，但略油。食个时其实都几好味，但之前成个下午都好口渴，不断饮水，应该好重味精....下次试下鱼柳饭，希望无咁重味精。