影片
更多
2018-04-09
20536 浏览
红磡都会海逸自助餐，系我一生人帮衬得最多嘅一间，计埋今次已经系第五定六次嚟，主要原因系食物种类多元化，当然一定要有我至爱嘅生蚝同长脚蟹啦，不过自从上次生蚝质量欠佳，我就无再帮衬，今次如果唔系朋友想试，我都唔会再嚟，经过今次，我再次肯定唔会再帮衬！刺身：有甜虾、带子、希灵鱼、剑鱼腩、吞拿鱼、三文鱼、比目鱼柳甜虾好细只，但鲜甜黏口；带子每次只有两粒，但新鲜肥美；剑鱼腩同样鲜甜肥美即开生蚝：有美国同法国蚝每次只提供两只，好新鲜唔腥嘅，但美国蚝太细只又唔肥美；而法国蚝则海水味重，好好味，不过两款size都好参差，有时细到好似蚝豉海鲜：有蟹、龙虾仔、螺、长脚蟹、青口蟹虽然细只，但有膏同鲜甜多汁；龙虾仔膏唔算多，但同样鲜甜；长脚蟹好幼，而且肉黐壳，但都鲜甜多汁炸天妇罗：有秋葵、虾、椎鱼、蕃薯、蟹柳、舞茸菇炸浆算薄，全部热辣辣好好味，推介舞茸菇同秋葵热盘大约有廿几三十款：有烧牛肉、羊架、蒸鱼、炒什菜、炒饭、炒蟹、咖喱羊、意粉、鹅肝多士、叉烧、烧鸭、pizza、炸薯饼、芝士火锅。。。烧牛肉ok嘅，但个bbq汁太浓味同杰身；羊架又干又硬同只得雪味；炒蟹太细无肉无膏；鹅肝好香好正；叉烧烧鸭太干身；芝士火锅
刺身：有甜虾、带子、希灵鱼、剑鱼腩、吞拿鱼、三文鱼、比目鱼柳甜虾好细只，但鲜甜黏口；带子每次只有两粒，但新鲜肥美；剑鱼腩同样鲜甜肥美
即开生蚝：有美国同法国蚝每次只提供两只，好新鲜唔腥嘅，但美国蚝太细只又唔肥美；而法国蚝则海水味重，好好味，不过两款size都好参差，有时细到好似蚝豉
海鲜：有蟹、龙虾仔、螺、长脚蟹、青口蟹虽然细只，但有膏同鲜甜多汁；龙虾仔膏唔算多，但同样鲜甜；长脚蟹好幼，而且肉黐壳，但都鲜甜多汁
炸天妇罗：有秋葵、虾、椎鱼、蕃薯、蟹柳、舞茸菇炸浆算薄，全部热辣辣好好味，推介舞茸菇同秋葵
热盘大约有廿几三十款：有烧牛肉、羊架、蒸鱼、炒什菜、炒饭、炒蟹、咖喱羊、意粉、鹅肝多士、叉烧、烧鸭、pizza、炸薯饼、芝士火锅。。。
烧牛肉ok嘅，但个bbq汁太浓味同杰身；羊架又干又硬同只得雪味；炒蟹太细无肉无膏；鹅肝好香好正；叉烧烧鸭太干身；芝士火锅又香又浓
生滚粥：配料有蟹肉、蟹膏、鱼柳、带子
朋友话好好味，不过食完会超饱
汤：有蟹肉粟米汤、杂菜汤
芝士：cream cheese、parmesan cheese、emmentaler、pepper jack cheese、red cheddar、edam全部都好好味，啱晒我口味，可以切少少嚟试呀
甜品：芒果拿破仑、斑兰pancake、绿茶心太软、榴梿挞、芝士梳乎厘、樱花流心蛋糕、芝士蛋糕、鲜奶蛋白、杏汁燕窝、窝夫、杨枝甘露、Haagen-Dazs雪糕批/雪糕杯各5款。。。芒果拿破仑仍然咁好味，好千层好脆，芒果又甜；斑兰pancake无乜斑兰味，但好足料cream好香滑；芝士梳乎厘食唔出有芝士味；鲜奶蛋白又奶又滑
每人共消费：＄600 (假期前外85折)
后记：
1) 4月尾前做《芝芝》瑞士主题，但事实有关食品只得瑞士火锅、芝士通粉同沙律，唔见得有咩特别
2) 食物质素不大如前，尤其我至爱既生蚝同蟹脚
张贴
