大鍋口海鮮火鍋店 (已結業)

今日同朋友黎咗闻名嘅大锅口。等咗半个钟就有位。加咗48蚊要咗个番茄薯仔猪软骨汤同埋皮蛋芫西汤。本人比较中意佢嘅番茄汤，够味。食品种类比起其他任食场算多了。个场都算大，系L型嘅。一入座侍应就比调味盘我地同埋加豉油，调味盘落完就收走。饮品种类都多。特别个自家制竹遮水好好饮。食到一半汤嘅时候侍应会主动黎话加汤。接单同上菜都好快。又会收晒D虾壳碟…空罐今次嘅雪糕系芋头牛奶，个人觉得好好味。雪糕配料最正系麻薯粒，唔系度度都有架。服务质素相对其他任食场都系算唔错嘅，都算物有所值。侍应反应都几快。举手叫侍应想要一杯热水，佢话水未滚，转头比我。十零分钟后佢竟然都仲记得要比杯水我。真系算唔话得了！唯一美中不足嘅就系冷气唔够……越食就越热。希望迟D冷气会有改善啦…总体几讲，今日嘅待遇都OK。始终百几蚊街坊价。都冇话想有6星级酒店服务了。