包點先生 (已結業)

今晚我们喺荃湾附近探完朋友之后，去咗川龙街嘅「包点先生」买外卖自取返屋企食！我们买咗鲜肉烧卖嘅肉质好爽滑弹牙，肉汁都算多，而且都几大粒！潮州粉果嘅外皮都算几烟韧，馅料嘅份量都几多，味道亦好惹味！鱼翅饺嘅饺皮好薄身，包著猪肉、红萝卜丝等等等等⋯⋯口感相当丰富！糯米鸡嘅糯米都几烟烟韧韧，味道相当惹味，但就略嫌馅料唔系太多！钵仔梅菜肉饼蒸饭同钵仔香菇滑鸡蒸饭嘅饭比较硬身，唔系好软熟，梅菜肉饼嘅质感比较软腍，梅菜嘅味道都几香甜，而鸡肉嘅肉质就好松软嫩滑，唔会又干又「嚡」！