金海閣海鮮火鍋專門店 (已結業)

晚妈妈同猪头人两个跑到铜锣湾，一心谂住去「火锅本色」食火锅，一早都知到依到人多少(全店共16桌)，所以都醒目预先BOOK左。大约11点到达，但系已经有2对人到等紧，甘咪唯有一路等…一路谂定食D咩啰！！望住菜单上各式各样的海鲜，肚子不停发出咕噜咕噜的声，猪头人仲话饿到有晕添！足足等在成半个钟，我地同个肚都等唔到LU…依个时候我地决定走。走去边…去左去一条街有成3间店的「金海阁」，一坐低第一时间叫左个菊花茶同清汤汤底，汤底内有冬瓜、番茄、红萝白，清清地都唔错。肥牛–牛味都算几够，但份量偏少，要叫两碟先够；象拔蚌–哗！！真系鲜甜到不得了…一字记之曰「正」，宜家谂起到流口水；贵花蚌–清甜，抵食夹大件，比之前食的都平…唔会到喉唔到肺；鲜牛柏叶–不经人工漂白，但略「鞋口」；西洋菜–比小肥羊大碟一倍，好香菜味。