梨泰院 (愉景新城) (已結業)

同朋友喺荃湾行街，突然想食下韩国嘢，发现愉景新城新开左间韩国餐厅，就去试吓😆餐厅环境宽敞，装修亦好有格调，晚巿7点几唔使等就可以入座👍🏻入座就有餐前小菜，豆芽、泡菜、薯仔、腌萝卜，上菜速度亦好快。🍽鲜人参鸡汤 🍲非常之香嘅人参味，一上菜人参味扑鼻而来。用料一啲都唔吝啬，有好多人参须须，饮落亦有人参嘅苦涩味，真材实料。而且加咗啲米入去煮，有少少粥底效果。热辣辣非常之暖胃。🍽甜辣炸鸡(半只)🍗炸鸡同我想像中有少少唔同🤣以为系半只鸡，有唔同嘅部位。点知全部都系髀同中翼🙈 但都炸得香脆，再配上炸鸡嘅绝配甜辣酱，简直好似去咗韩国咁。🍽原味紫菜包饭🍙正宗Gimbap👍🏻 青瓜同腌黄萝卜简直系紫菜包饭嘅灵魂，爽脆嘅青瓜同腌黄萝卜，令紫菜包饭嘅口感升华。🍽韩国生菜包猪肉🥬韩国菜点少得生菜包肉，份量非常之多。而且仲有蒜头、青瓜丝、红椒丝做配菜，令味道更加丰富。但冬天食呢味菜，就略为不适合。因为天气冻，令啲肉好快冻咗，骨胶原黐埋一旧🙈